Ísfell semur við Fishering Service

Dmitriy og Andrey Fedorov

Til að styrkja stöðu Ísfells á flottrollsmarkaðinum hér á landi og á Grænlandi hefur fyrirtækið samið við Fishering Service í Kaliningrad um framleiðslu á flottrollum og pokum fyrir uppsjávarveiðar. Fishering Service er eitt fremsta fyrirtæki í heiminum í dag í framleiðslu á flottrollum og pokum.
Fyrirtækið var stofnað af Andrey Fedorov árið 1993 en hann starfaði áður sem trollmeistari á togurum og hefur mikla reynslu af öllu sem kemur að veiðum og veiðarfærum. Frá stofnun hefur Fishering Service framleitt yfir 5.000 flottroll og poka af öllum stærðum.

Samkvæmt Dmitriy Fedorov sölustjóra Fishering Service liggja þeir með góðan lager af vörum sem þeir nota í trollin. Dmitriy talaði um að “Við getum framleitt meðalstærð af flottrolli á um tveimur vikum og flutningur til Íslands getur svo tekið tekið 7-14 daga,” útskýrir hann.
Hjá Fishering Service vinna um 150 manns og að hluta til er unnið á tveimur vöktum. Fishering Service framleiddi um 250 flottroll og poka á síðasta ári sem þeir seldu víða um heim, og má því segja að það séu flottroll frá Fishering Service á öllum helstu fiskveiðisvæðum í heiminum og notendalisti skipa er langur.

Nánast allar gerðir flottrolla
Frá árinu 2008 starfaði Fishering Service með Atla Jósafatssyni og Guðmundi Vigfússyni á Íslandi, en nú er svo komið að Guðmundur og Atli starfa ekki lengur fyrir Fishering Service. Því lá beinast við fyrir þá að taka upp samstarf við nýja aðila á Íslandi. Samningurinn felur í sér að Ísfell sér um sölu og viðhald á trollum frá Fishering Service á Íslandi og Grænlandi jafnfamt munu félögin hafa með sér samstarf um þróun á veiðarfærum.
“Fishering Service framleiðir nánast allar gerði flottrolla, fyrir allar veiðar, svo sem, þorsk, ufsa, karfa, makríl, sardínu, sardinellu, hake, hoki, síld, loðnu og krill, svo eitthvað sé nefnt,” segir Dmitriy. “Trollin eru svo með ýmsum útfærslum úr tígul- eða sexkantsmöskva, allt eftir því hvað á að veiða hverju sinni.”

Nánari upplýsingar gefa Birkir Agnarsson (birkir@isfell.is) 5 200 571 og Jónas Þór Friðriksson (jonas@isfell.is) 5 200 514.